//Ladies First// قصة و عبرة

سلامووو
عودة جديدة و متججدة مع موضوع جديد من المواضيع الليلية لكن هذي المرة دورناها دارجة بسبب المستوى المتدني لبعض الاعضاء هههههههههه -نضحك برك-


حكاية اليوم رومانسية احداث تراجيدية والنهاية مأساوية بالنسبة لجنس الرجال

اكرر الرجال فقط



المهم طبعا كلكم تعرفوا (الي لاعبين فيها روميو بالخصوص مثل مشهور : النساء اولا

للمفرنسين les femmes d'abord

بالأنـgـلش ladies first



كثير مـن الشباب يستعملها زعما يثبت رجولتو

والبنات بزاف يفرحو كي يسمعوا في بالهم حاجة مليحة

املا اسمعوا أصل الجملة هاذي

قالك كان يا مكان في قديم الزمان وسالف العصر والأوان

في مدينة أيطالية شاب غني و فحشوش و طيب بزاف تعرف عـلى طفلة مليحة في الزين

بصح و شنهي فقيرة

تعرفوا عـلى بعضاهم عـن طريق النت -النت في قديم الزمان هي السوق الشعبي-

ومرت الأيام حتى حبوا بعضاهم موووووووت وقرروا الزواج

طبعا الشاب غني والطفلة فقيرة فحدثت مشاكل بين العائلتين

فعائلة الشاب قالت انهم ماهمش مـن النيـVـو تاعنا

وعائلة البنت قالت مبعدا يبداو يتكبرو شوفي واحد عـلى قد حالك

وهوماعلابالهم بلي البنت تسمع كلامهم عكس الشاب

ولما ضاقت كل السبل بالعاشقين الولهانين

قرروا الأنتحار فذهبوا ألى جبل عال

وقرروا القفز فلما همت الشابة بالقفز

قاللها روميو تاعنا لا حبيبتي انا مانقدرش نشوفك ميتة خليني انا الأول -لاعبها فايق-

زعما رجل وقفز الشاب وتطبز وتلبز فوق الحجر التحت حتى دمو وصل للبنت الفوق

جاء دور الفتاة نظرت للأسفل فعافت المنظر وخافت

ورجعت لبيتها وبعد شهور اتزوجت بواحد فقير كيفها وجابوا اولاد وعاشو في سلام وميزيرية

ونسات مستر روميو أصلا -ان كيدهن لـ عظيم- هاذي ماقلتهاش انا

وجات غير في الشاب مسكين خلى الدراهم والعز في لقصور عـلاجال وحدة مgملة -عذرا على الوصف-



من ثم ظهرت مقولة النساء اولا



العبرة مـن القصة :

1 - عزيزي الشاب راني ننصح فيك خطراكش رانا من جنس واحد

جامي تحب من قلبك تقدر تحب من رئتك ولا من أي عضو آخر

وجامي تدير الآمان في النساء ديما النساء اولا باش تطفر فيها هيا

2- ماتامنش بالعلاقات لي يجيو مـن النت



ايا اسمحولي لا طلوت علابالي بروحي طولت



سيبون الا عجبتكم الدارجة قولولي نكمل نكتب بيها و اذا لالا نولي للفصحة و لي مافهمش يخبط راسو :